Նախընտրելի
Ռուսաստանը պատրաստ է շարունակել օգնությունը Հարավային Կովկասում տրանսպորտային հաղորդակցությունների ապաշրջափակման հարցում, այդ թվում՝ երկաթուղային, Երևանում լրագրողներին ասել է ՌԴ փոխվարչապետ Ալեքսեյ Օվերչուկը։
Նրա խոսքով, տարածաշրջանում հաղորդակցությունների ապաշրջափակումն իրականացվում է Հայաստանի, Ադրբեջանի և Ռուսաստանի ղեկավարների եռակողմ հայտարարության համաձայն, այդ նպատակով ստեղծվել է աշխատանքային խումբ՝ երեք երկրների փոխվարչապետերի նախագահությամբ։
«Այս աշխատանքային խումբը հանդիպել է, փաստաթղթեր են մշակվել, որոնք բարձր պատրաստվածության մեջ են։ Խոսքն առաջին հերթին երկաթուղային երթեւեկության ապաշրջափակման մասին է։ Մենք պատրաստ ենք շարունակել այդ աշխատանքը, Ռուսաստանի Դաշնությունը հանդես է գալիս որպես միջնորդ։ Եթե կողմերը պատրաստ են շարունակել այդ աշխատանքը, մենք նույնպես պատրաստ ենք մասնակցել այստեղ»,- ասել է Օվերչուկը երկկողմ միջկառավարական հանձնաժողովի նիստից հետո։
Նրա խոսքով՝ դրականն այն է, որ կողմերը սկսում են անմիջականորեն աշխատել միմյանց հետ։
