նախընտրելի դարձնել
Ֆրանսիայի բնակիչը շահել է 2024 թվականի առաջին ջեքփոթը՝ գրեթե 88 միլիոն եվրոյի չափով, EuroMillions («Euromilions») եվրոպական վիճակախաղով, ասվում է վիճակախաղի կայքում չորեքշաբթի հրապարակված մամուլի հաղորդագրության մեջ։
«Անցած երեկո 2024 թվականի EuroMillions-ի առաջին ջեքփոթը բաժին է հասել ֆրանսիացի խաղացողի, որի թվերը համապատասխանել են բոլոր հաղթող թվերին և նա 87,9 միլիոն եվրո է շահել»,- ասվում է փաստաթղթում։
Նշվում է, որ վիճակախաղի ջեքփոթը 125-րդ անգամ բաժին է ընկնում Ֆրանսիայի մասնակցին, ինչը Հինգերորդ հանրապետությունը դարձնում է երկրորդ երկիրը գլխավոր մրցանակը շահածների թվով։ Վարկանիշի առաջին տեղը զբաղեցնում է Մեծ Բրիտանիան, որը պարծենում է 126 հաղթողով, ասվում է մամուլի հաղորդագրության մեջ։
EuroMillions վիճակախաղի առաջին խաղարկությունը տեղի է ունեցավ 2004 թվականի փետրվարի 13-ին երեք երկրներում՝ Ֆրանսիայում, Իսպանիայում և Մեծ Բրիտանիայում: 2004 թվականի հոկտեմբերին վիճակախաղին միացան ևս վեց երկրներ՝ Լյուքսեմբուրգը, Բելգիան, Շվեյցարիան, Պորտուգալիան, Իռլանդիան և Ավստրիան։ Շահումները հարկվում են միայն Շվեյցարիայում: Վիճակախաղի մեկ տոմսն արժե երկուսուկես եվրո։ Ընդհանուր առմամբ, վիճակախաղին մասնակցում է մոտ 200 մլն մարդ։
