նախընտրելի դարձնել
Բուլղարիայի խորհրդարանի խոսնակ Ռոսեն Ժելեզնյակովը հայտնել է, որ պատվիրակության մյուս անդամների հետ երեք ժամ անցկացրել է Կիևի ռմբապաստարանում։ Նրա խոսքերը հաղորդում է Բուլղարիայի ազգային հեռուստատեսությունը (BNT):
Ըստ BNT-ի՝ Կիևում օդային հարձակման նախազգուշացման պատճառով Ժելեզնյակովը և այլ պատվիրակներ տեղափոխվել են ռումբերի ապաստարան, որտեղ նրանք մնացել են ժամը 5:50-ից մինչև 9:00-ն:
«Ահազանգի շչակները հնչեցին, և, իհարկե, ըստ արձանագրության, մենք բոլորս միասին իջանք ռմբապաստարան», - ասել է Ժելեզնյակովը հեռուստաալիքին տված հարցազրույցում։
Ավելի վաղ եվրոպական դիվանագիտության ղեկավար Խոսեպ Բորելը լուսանկար էր հրապարակել Կիևի ռմբապաստարանից, ուր նա ժամանել էր նախօրեին։
«Առավոտը սկսում եմ ապաստարանում, երբ օդային հարվածների ազդանշաններ են լսվում ամբողջ Կիևում: Սա խիզախ ուկրաինացի ժողովրդի ամենօրյա իրականությունն է»,- ասել է Բորելը:
Մինչ այս Կիևում Ուկրաինայի նախագահներ Վլադիմիր Զելենսկու, Շվեյցարիայի Ալեն Բերսետի և Լատվիայի նախագահներ Էդգարս Ռինկևիչսի, ինչպես նաև Լիտվայի վարչապետ Ինգրիդա Սիմոնիտեի համատեղ մամուլի ասուլիսն ընդհատվել էր օդային տագնապի պատճառով:
