Օրակարգում նոր խնդիրներ կան, և դա առաջին հերթին ռազմական հրամանատարության և վերահսկող բոլոր մարմինների գործողությունների հստակ և մանրամասն պլանավորումն է՝ հաշվի առնելով ռազմաճակատում նորագույն զինատեսակների անհրաժեշտությունը, որոնք գալիս են գործընկերներից։ Այս մասին հայտարարել է  Ալեքսանդր Սիրսկին, հայտնում է Unian-ը։

«Ռազմական նյութատեխնիկական ապահովման հիմնական խնդիրը եղել և մնում է մարտական ստորաբաժանումների համար անհրաժեշտ ամեն ինչ արագ մատակարարել ու բաշխելը։ Բոլոր մակարդակներում շտաբների խնդիրն է իմանալ ճակատի կարիքները և յուրաքանչյուր հատվածում վերահսկել իրավիճակը:

Ուկրաինական բանակի հիմնական արժեքը զինվորական անձնակազմի կյանքն ու առողջությունն է, ուստի առավել քան երբևէ կարևոր է հավասարակշռություն պահպանել մարտական առաջադրանքների կատարման և ինտենսիվ վերապատրաստմամբ և կրթությամբ ստորաբաժանումների վերականգնման միջև:

Հաղթանակ կառուցելու ապագա վեկտորներից մեկը նոր տեխնիկական լուծումների ներդրումն է, օրինակ՝ անօդաչու համակարգերի և էլեկտրոնային պատերազմի ժամանակակից համակարգերի կիրառումը»,- նշել է Ալեքսանդր Սիրսկին։