նախընտրելի դարձնել
ԱՄՆ-ը շուտով նոր պատժամիջոցներ կսահմանի Իրանի դեմ՝ Ռուսաստանի հետ համագործակցության համար։ Այս մասին հայտարարել է Միացյալ Նահանգների ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Առաջիկա օրերին մենք լրացուցիչ պատժամիջոցներ կսահմանենք Իրանի դեմ, և պատրաստ ենք ավելի հեռուն գնալ, եթե Իրանը բալիստիկ հրթիռներ վաճառի Ռուսաստանին»,- ասել է նա։
Քիրբին նշել է, որ թեև ԱՄՆ-ը հաստատում չունի Թեհրանի կողմից Մոսկվային բալիստիկ հրթիռներ մատակարարելու վերաբերյալ, Վաշինգտոնը պատրաստ է այդ թեման քննարկման ներկայացնել ՄԱԿ-ի Անվտանգության խորհրդում։
«Մեր կողմից մենք այս հարցը քննարկման կներկայացնենք ՄԱԿ-ի Անվտանգության խորհրդին և Իրանի դեմ լրացուցիչ պատժամիջոցներ կսահմանենք»,- ասել է նա։ Նրա խոսքով, միջազգային հանրության արձագանքը կլինի «արագ և կոշտ»։
