նախընտրելի դարձնել
Այդահոյի նահանգի ուղղիչ հաստատությունների դեպարտամենտը տեղեկացրել է, որ չի կայացել մարդասպան Թոմաս Քրիչի մահապատիժը ներարկման միջոցով։
Բժիշկները չեն կարողացել գտնել 73-ամյա հանցագործի երակը մահացու ներարկման համար, ինչի պատճառով մահապատիժը հետաձգվել է։
Ամերիկյան ԶԼՄ-ները Քրիչին անվանում են սերիական մարդասպան։ Նա բանտում է մոտ 50 տարի մի քանի սպանությունների համար։ Նրա նախնական մահապատիժը փոխարինել էին ցմահ բանտարկությամբ, բայց ավելի ուշ Քրիչը սպանել էր իր խցակցին, ինչից հետո նորից դատապարտվել է մահապատժի։
