նախընտրելի դարձնել
ԱՄՆ նախագահ Ջո Բայդենը շաբաթ օրը ԶԼՄ-ների համար իր ամենամյա ընթրիքի ժամանակ կատակել է իր նախորդի և գալիք նախագահական ընտրություններում գլխավոր մրցակցի՝ Դոնալդ Թրամփի և իր տարիքի մասին, հայտնում է AFP-ն։
«Թեկնածուներից մեկը չափազանց ծեր է և հոգեպես պիտանի չէ նախագահ լինելու համար, - ասել է 81-ամյա Բայդենը Վաշինգտոնի Gridiron ակումբում:- Մյուսը ես եմ»:
Իր ելույթում Բայդենը խստորեն քննադատել է Կոնգրեսի հանրապետականներին, որոնք իմպիչմենտի շրջանակում իր որդու բիզնես գործարքների վերաբերյալ հետաքննություն են սկսել ՝ ասելով, որ նրանք «ավելի շուտ կձախողվեն իմպիչմենտի հարցում, քան հաջողության կհասնեն որևէ այլ բանում»:
«Ժողովրդավարությունն ու ազատությունը բառացիորեն հարվածի տակ են: Պուտինը երթ է անում Եվրոպայում։ Իմ նախորդը խոնարհվում է նրա առաջ և ասում. «Գրողը տանի, արեք, ինչ ուզում եք», - ասել է Բայդենը։
Նա հավելել է, որ «2020 թվականի ընտրություններում իր հաղթանակի մասին Թրամփի կեղծ պնդումները և 2021 թվականի հունվարի 6-ին նրա կողմնակիցների Կապիտոլիումի շենքի գրոհը ցույց տվեցին, որ մեր ժողովրդավարության երակներով թույն է հոսում»:
