Նախընտրելի
Ավստրալիայի և ԱՄՆ-ի հիպերձայնային հրթիռների համատեղ արտադրությունը կարող է նվազեցնել ԱՄՆ պաշտպանական արդյունաբերական բազայի բեռը և ուժեղացնել զսպումը Հնդկ-Խաղաղօվկիանոսյան տարածաշրջանում, ըստ Reuters-ի՝ ուրբաթ Սիդնեյում հայտարարել է ԱՄՆ հանրապետական օրենսդիր Մայքլ ՄըքՔոլը։
ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահը նշել է, որ առաջադեմ զենքի արտադրությունը Ավստրալիայում հիանալի օրինակ է՝ ինչպես է կարգավորված Ավստրալիա պաշտպանական արտահանումների 70%-ի համար ամերիկյան զգայուն պաշտպանական տեխնոլոգիաների լիցենզավորումը և արտոնագրման բացառությունները, որոնք սեպտեմբերի 1-ից առաջադեմ զենքերի մշակման գործում ԱՄՆ-ին կօգնեն մրցակցել Չինաստանի հետ:
Հիպերձայնային հրթիռները, որոնք տարածվում են մթնոլորտի վերին շերտով ձայնի արագությունից ավելի քան հինգ անգամ արագությամբ, 2021 թվականին փորձարկել է Չինաստանը՝ Միացյալ Նահանգների հետ տեխնոլոգիական մրցավազք առաջացնելով: Գործակալությունը նշում է, որ Ռուսաստանը դրանք օգտագործել է Ուկրաինայի պատերազմի ժամանակ՝ անհանգստություն առաջացնելով ՆԱՏՕ-ի անդամ երկրների շրջանում։
«Չինական հիպերձայնային զենքերը կարող են հարվածել Ավստրալիային հաշված րոպեների ընթացքում, և Ավստրալիան հենց հիմա դա չի կարող դադարեցնել: Այնպես որ, մենք պետք է գերազանցենք նրան»,- ասել է ՄըքՔոլը:
«Ես հենց երեկ եմ եղել հիպերձայնային ընկերությունում, և մենք ցանկանում ենք համատեղ արտադրության անցնել»,- նշել է կոնգրեսականը։
«Դա արդեն սկսվում է, և դա ամենահետաքրքիրն է, և կօգնի թուլացնել լարվածությունը, որին ականատես ենք լինում պաշտպանական արդյունաբերական բազայում», - հավելել է նա:
Ավստրալիան համագործակցում է Միացյալ Նահանգների հետ հիպերձայնային թևավոր հրթիռ (HACM) փորձարկելու համար, որն իր տեսակի մեջ կործանիչների համար առաջինը կլինի, ինչի մասին երկու երկրների պաշտպանության և արտաքին գործերի նախարարները հայտարարել են անցյալ շաբաթ անցկացված բանակցություններից հետո:
ՄըքՔոլը նշել է, որ իր այցը նվիրված է ԱՄՆ-ի և Մեծ Բրիտանիայի հետ AUKUS ծրագրի գործընկերության՝ Ավստրալիա միջուկային սուզանավերի տեղափոխման, ինչպես նաև այլ առաջադեմ պաշտպանական տեխնոլոգիաների զարգացման թեմային:
