Բրազիլիայի Գերագույն դատարանը վճռել է, որ X (նախկինում՝ Twitter) սոցիալական ցանցը պետք է երկրում անհապաղ և ամբողջությամբ դադարեցվի, հայտնել է BBC-ն։

Դատարանի հաղորդագրության մեջ նշվում է, որ հարթակի արգելքը կշարունակվի այնքան ժամանակ, մինչև  X-ը կկատարի դատական ​​բոլոր կարգադրությունները և  կվճարի սահմանված բոլոր տուգանքները:

Ակնկալվում է, որ X-ը Բրազիլիայում անհասանելի կդառնա առաջիկա 24 ժամվա ընթացքում: Դատարանի վճիռը պետք է իրականացնեն բրազիլական ինտերնետ պրովայդերները։