Անցած տարվա քվեարկությունների և սոցհարցումների տվյալները ցույց են տալիս, որ ԵՄ-ն շարժվում է դեպի «եվրոպականության» ավելի էթնիկ, փակ և այլատյաց ըմբռնման, որը կարող է ի վերջո մարտահրավեր նետել դաշինքին, ասվում է մեծ նոր զեկույցում:

Արտաքին հարաբերությունների եվրոպական խորհրդի (ECFR) և Եվրոպական մշակութային հիմնադրամի (ECF) զեկույցը մատնանշում է երեք հիմնական «սպիտակ կետերը» Եվրոպական միությունում և պնդում, որ դրանք հատելը կարող է խաթարել կամ արմատապես փոխել տրամադրությունները ԵՄ-ում:

Զեկույցում, որը տրամադրել է բրիտանական The Guardian-ը, պնդում է արվում, որ ԵՄ քաղաքականության ակնհայտ «սպիտակությունը», երիտասարդության ցածր ներգրավվածությունը և սահմանափակ եվրոպամետ տրամադրությունները Կենտրոնական և Արևելյան Եվրոպայում կարող են եվրոպացիների մոտ ձևավորել տրամադրություններ, որոնք հակասում են դաշինքի սկզբնական հիմնական արժեքներին:

Չնայած մեկ տարվա պատերազմներին և ընտրություններին՝ զեկույցը, որը հիմնված է Եվրոպայի հասարակագետների և քաղաքագետների տվյալների վերլուծության և հետազոտությունների վրա, ցույց է տալիս, որ ԵՄ անդամ գրեթե բոլոր երկրներում մեծ թվով քաղաքացիներ շարունակում են վստահել դաշինքին, ըստ սոցիոլոգիական հարցումների: Նրանք լավատեսորեն են տրամադրված ԵՄ ապագայի նկատմամբ և կապված են զգում դրա հետ:

Եվրոպական տրամադրությունների ուժգնությունն արտահայտվում է նաև այս տարվա Եվրախորհրդարանի ընտրություններում 51% համեմատաբար բարձր մասնակցությամբ և այն փաստով, որ 27 ազգային կառավարությունների ճնշող մեծամասնությունը պահպանում է եվրոպամետ հայացքներ և քաղաքականություն:

Այնուամենայնիվ, ԵՄ-ում գնալով ավելի շատ մարդիկ են իրենց «բացառված», «հիասթափված» կամ «անտեսված» զգում, հատկապես սևամորթներն ու մուսուլմանները, ինչպես նաև Կենտրոնական և Արևելյան եվրոպացիները և երիտասարդ ընտրողները, որոնք կարծում են, որ ԵՄ-ն «չափազանց սպիտակ է», «չափազանց արևմտյան է» կամ «չափազանց արագ զարգացող է»:

Զեկույցում ասվում է, որ սեւամորթ եվրոպացիները բախվել են օտարատյաց հռետորաբանության հսկայական աճին հոկտեմբերի 7-ին պաղեստինյան ՀԱՄԱՍ-ի կողմից Իսրայելի վրա հարձակումից հետո, երբ մուսուլմանները հաճախ օտարացած են զգում Իսրայելին բազմաթիվ կառավարությունների աջակցությամբ, ասվում է զեկույցում:

Ֆրանսիայում, Իտալիայում, Բելգիայում, Ավստրիայում և Հունգարիայում եվրոպական ընտրություններում ծայրահեղ աջ կուսակցությունների հաղթանակը, ինչպես նաև Նիդեռլանդներում և Գերմանիայում ուժեղ արդյունքները նույնպես հանգեցրին հակամիգրացիոն տրամադրությունների կտրուկ աճին, նշվում է զեկույցում։