նախընտրելի դարձնել
ԱՄՆ ֆինանսների նախարարությունը չորեքշաբթի պատժամիջոցներ է սահմանել ավելի քան մեկ տասնյակ կազմակերպությունների և նավերի նկատմամբ՝ Սիրիա և Արևելյան Ասիա իրանական հում նավթի և հեղուկացված նավթագազի մատակարարման մեջ նրանց ներգրավվածության պատճառով:
Սահմանափակումների ենթարկված նավերից են 2021 թվականին ԱՄՆ պատժամիջոցների ցանկում հայտնված սիրիական նավագնացության մագնատ Աբդուլ Ջալիլ Մալլահի և նրա եղբայր Լուայ ալ-Մալլահի նավատորմին առնչվող չորս նավեր, նշված է ԱՄՆ ֆինանսների նախարարության հայտարարության մեջ:
Ըստ ԱՄՆ ֆինանսների նախարարության՝ եղբայրները շարունակել են օգտագործել իրենց նավագնացության կայսրությունը՝ Իրանի և նրա վստահված անձանց չարամիտ գործողություններին աջակցելու համար:
ԱՄՆ ահաբեկչության և ֆինանսական հետախուզության հարցերով ֆինանսների փոխնախարարի պաշտոնակատար Բրեդլի Սմիթը նշել է, որ «Իրանը շարունակում է մեծապես ապավինել Իսլամական հեղափոխության պահապանների կորպուսին և լիբանանյան «Հըզբոլլահ»-ին նավթի և հեղուկ գազի ապօրինի վաճառքում՝ ահաբեկչական խմբավորումներին և ապակայունացնող գործունեությունը ֆինանսավորելու համար:
