ԵԱՏՄ արտաքին պարտքը 2024 թվականի հուլիսի 1-ի դրությամբ՝ 2023 թվականի հուլիսի 1-ի համեմատ ընդհանուր հիմունքներով նվազել է 34 միլիարդ ԱՄՆ դոլարով կամ 6%-ով, հայտնել են ԵՏՀ մամուլի ծառայությունից։

Արտաքին պարտքի նվազում է նկատվել Միության երկրների մեծ մասում և ՀՆԱ-ի նկատմամբ։ Նախորդ 10 տարիների ընթացքում անդամ երկրներում արտաքին պարտքի համանման համաժամանակյա անկում է գրանցվել 2016-2018 թվականներին։

Հայաստանի, Բելառուսի և Ղրղզստանի արտաքին պարտքի կառուցվածքում գերակշռում էր պետական ​​պարտքը, Ղազախստանում՝ ուղղակի ներդրումների, իսկ Ռուսաստանում՝ այլ ոլորտների պարտքը։

Միաժամանակ, միջազգային պահուստներով արտաքին պարտքի ամենամեծ ծածկույթն ապահովված է Ռուսաստանում (196,6%)։ ԵԱՏՄ անդամ մյուս երկրներում այս ցուցանիշը հաշվետու ժամանակահատվածում տատանվել է Հայաստանում 21,7%-ից մինչև Ղրղզստանում 33,3%-ի սահմաններում։