նախընտրելի դարձնելԴեկտեմբերի 8-ին, ժամը 22:30-ի սահմաններում խոշոր պատահար է տեղի ունեցել Վանաձորում:
Ինչպես դեպքի վայրից հայտնում է NEWS.am-ի թղթակիցը, Վանաձորի Լենինգրադյան փողոցի սկզբնամասում միմյանց են բախվել Մարգար Մարգարյանին պատկանող մարդատար ՈՒԱԶ մակնիշի 36 ՕԼ 086 համարանիշի եւ բեռնատար ԳԱԶել մակնիշի 843 ՏՍ 36 համարանիշի ավտոմեքենաները:
Բախումն այնքան ուժգին է եղել, որ ԳԱԶել մակնիշի ավտոմեքենան այնուհետ հարվածել է էլեկտրասյանը, ինչի արդյունքում էլ ամբողջությամբ այրվել է: Բարեբախտաբար, վթարի հետեւանքով ոչ ոք չի տուժել:
Մեքենայում բռնկված հրդեհը մարելու համար դեպքի վայր է մեկնել մեկ մարտական հաշվարկ: Դեպքի վայրում աշխատանքներ են իրականացրել Լոռու ճանապարհային ոստիկանները` ճանապարհային ոստիկանության հետաքննիչ Արայիկ Սաֆարյանի գլխավորությամբ, ինչպես նաեւ ոստիկանության Վանաձորի բաժնի Բազումի բաժանմունքի աշխատակիցները:
Հետաքննիչի կարգադրությամբ երկու մեքենաներն էլ տեղափոխվել են ճանապարհային ոստիկանության տուգանային հրապարակ: Կատարվում է քննություն:
Լուսանկարները` Շուշաննա Գրիգորյանի
