Ռուսաստանի Պետդուման միանգամից երկրորդ և երրորդ ընթերցմամբ ընդունել է ընտանի կենդանիներ պահելու և նրանց զբոսանքի կանոնները չկատարելու համար տուգանքների մասին օրենք, գրում է Коммерсант-ը։

Այն առաջին ընթերցմամբ ընդունվել է սեպտեմբերին։

Օրենքը վարչական պատասխանատվություն է սահմանում կենդանիների խնամքի պահանջների խախտման համար։ Այժմ ​​քաղաքացիներին կսպառնա մինչև 3 հազար ռուբլի տուգանք, պաշտոնատար անձանց՝ մինչև 15 հազար ռուբլի, իսկ իրավաբանական անձանց համար տուգանքը կկազմի մինչև 30 հազար ռուբլի։

Պատասխանատվությունը չի տարածվում կենդանիների սեփականատերերի վրա, եթե խախտումը տեղի է ունեցել սեփականատիրոջ անունից ընտանի կենդանուն խնամող այլ անձի կողմից: Նաև տուգանքներ չեն կիրառվի, եթե կենդանուն գողացել են տիրոջից։

Գործող հոդվածը տուգանքներ է նախատեսում կենդանիներ պահելու պահանջները չկատարելու համար։ Սակայն, ընտանի կենդանիներ պահելու կանոնները հոդվածում ներառված չեն: