նախընտրելի դարձնել
Իսպանիան նախատեսում է մինչև 100%-ով հարկել այն գույքը, որը գնվել է ԵՄ անդամ չհանդիսացող բնակիչների կողմից, ինչպիսին է Մեծ Բրիտանիան, հայտնում է BBC News-ը։
Վարչապետ Պեդրո Սանչեսը, ով հայտարարել է նոր միջոցառումների մասին, ասել է, որ «աննախադեպ» միջոցառումն անհրաժեշտ է երկրում բնակարանային անբավարարությունը լուծելու համար:
«Արևմուտքը կանգնած է վճռորոշ մարտահրավերի առաջ՝ չդառնալ հասարակություն, որը բաժանված է երկու դասի՝ հարուստ տանտերերի և աղքատ վարձակալների», - հայտարարել է նա:
2023 թվականին ԵՄ անդամ չհանդիսացող քաղաքացիները Իսպանիայում գնել են 27,000 անշարժ գույք «ոչ թե ապրելու համար», այլ «դրանցից գումար աշխատելու համար», - ասել է նա Մադրիդում տնտեսական ֆորումում:
Նրա խոսքով, իսպանական իշխանությունների այս քայլը միտված է ապահովելու, որ «առաջնահերթությունը տրվի բնակիչներին»։
Սանչեսը մանրամասներ չի ներկայացրել այն մասին, թե ինչպես է հարկը աշխատելու կամ ժամանակացույց չի տվել այն խորհրդարանի հաստատմանը ներկայացնելու համար, որտեղ նա հաճախ չի կարողանում բավարար ձայներ հավաքել օրենսդրությունն ընդունելու համար:
Բայց նրա կառավարությունը հայտարարել է, որ առաջարկը վերջնական տեսքի կբերվի «մանրամասն քննարկումից հետո»:
Սա Իսպանիայի վարչապետի կողմից երկուշաբթի օրը հայտարարված տասնյակ պլանավորված միջոցառումներից մեկն է, որի նպատակն է բնակարանն ավելի մատչելի դարձնել երկրում:
Այլ միջոցները ներառում են մատչելի բնակարաններ տրամադրող տանտերերի համար հարկային արտոնություններ, ավելի քան 3000 տների փոխանցում նոր պետական բնակարանային մարմնին և ավելի խիստ կանոնակարգումներ և տուրիստական բնակարանների ավելի բարձր հարկեր:
