Եվրամիության հաշվիչ հանձնաժողովը պարզել է, որ 2024 թվականին միավորման բյուջեից 6 մլրդ եվրոն չի ծախսվել իր նպատակին։ Այս մասին գրում Է Handelsblatt թերթը։

ԵՄ աուդիտորները հինգշաբթի օրը ներկայացրել են իրենց տարեկան զեկույցը։ Ոչ նպատակային ծախսերի տակ հասկացվում է ինչպես բյուջետային միջոցների հատկացումն այն ծրագրերին, որոնք չպետք է ծածկվեն ԵՄ ընդհանուր բյուջեով, այնպես էլ ծախսերի փոխհատուցումը դրա հաշվին՝ առանց պատշաճ հիմքերի։ Նման ծախսերի մասնաբաժինը ընդհանուր ծախսերում կազմել է 3,6%։ Սա ավելի քիչ է, քան նախորդ տարի (5,6%), բայց, այնուամենայնիվ, գերազանցում է 2%-ի շեմը, որը «էական» գումար է համարվում, գրում է թերթը։

Նշվում է, որ բյուջեի ոչ նպատակային ծախսերի ամենամեծ բաժինը բաժին է ընկնում այսպես կոչված «համախմբման» ծրագրերին՝ Եվրամիության պակաս զարգացած տարածաշրջանների ծրագրերի սուբսիդավորումն ավելի ապահովվածների հաշվին։ Ինչպես հստակեցնում է պարբերականը՝ դա միավորման ծախսերի ամենամեծ հոդվածն է։

Հաշվիչ պալատում նշել են, որ առանձին դեպքերում բյուջետային միջոցների ծախսը ապօրինի բնույթ է կրել, խոսքը «խարդախության, անարդյունավետության կամ հափշտակության» մասին է։ Աուդիտորները կարողացել են բացահայտել միջոցների ծախսման 19 դեպք, որոնցում կասկածվում է հանցավոր մտադրություն։ Նրանք դրանց մասին տեղեկատվությունն ուղարկել են ԵՄ իրավասու մարմիններին։