նախընտրելի դարձնել
Ամենայն հայոց Գարեգին Բ կաթողիկոսի եղբորը` Գևորգ Ներսիսյանը մեկ ամսով կալանավորվեց։ Այս մասին NEWS.am–ին հայտնեց փաստաբան Էմին Խաչատրյանը։
Իսկ վերջինիս որդու՝ Համբարձում Ներսիսյանի կալանավորման միջնորդությունը դեռ քննվում է։
Հիշեցնենք, որ Վեհափառի եղբայրը՝ Գևորգ Ներսիսյանը և որդին՝ Համբարձում Ներսիսյանը, ձերբակալվել են երեկ՝ նոյեմբերի 2–ին՝ Վաղարշապատում «Հանրապետություն» կուսակցության թեկնածու Հարություն Մկրտչյանի հայտարարության հիման վրա, ըստ որի Ներսիսյանը և որդին փորձել են խոչընդոտել նախընտրական քարոզչությունը։
Քննչական կոմիտեից լրատվամիջոցներին հայտնել էին, որ քրեական վարույթի նախաքննության ընթացքում 2 անձի նկատմամբ հարուցվել է հանրային քրեական հետապնդում՝ Քրեական օրենագրքի 211-րդ հոդվածով (քարոզչություն կատարելուն կամ քարոզչություն կատարելուց հրաժարվելուն հարկադրելը կամ քարոզչություն կատարելուն այլ կերպ խոչընդոտելը): Վերջիններս ձերբակալվել են:
