Գիսենում բնակվող 32-ամյա ադրբեջանցին իր Audi-ով խոյահարել է ավտոբուսի կանգառը՝ վիրավորելով չորս մարդու և ծանր վիրավորելով 64-ամյա կնոջ, գրում է Euronews-ը։

Վկան ձերբակալել է վարորդին մինչև ոստիկանության ժամանումը։

Տղամարդը, վարելով իր Audi-ն, նախ մտել է հանդիպակաց երթևեկության մեջ, ապա մեծ արագությամբ բախվել է կայանված ավտոմեքենային։ Բախման արդյունքում ավտոմեքենան շպրտվել է ավտոբուսի կանգառ, որտեղ կանգնած կինը լուրջ վնասվածքներ է ստացել։

Հետաքննության տվյալներով՝ նա շարունակել է վարել մայթեզրով։ Այդպես վարելով՝ ավտոմեքենայով վրաերթի է ենթարկել երկու հետիոտնի. վերջիններս թեթև վնասվածքներ են ստացել։ Սակայն Audi-ն չի կանգնել և շարունակել է շարժվել՝ մինչև կայանված ավտոմեքենային բախվելը։

Քննության ընթացքում դատախազությունը եզրակացրել է, որ վարորդը վերոնշյալ գործողությունները կանխամտածված է կատարել։