Այս պահին մայրաքաղաքի կենտրոնում, մասնավորապես Օպերայի մերձակայքում բազմաթիվ ոստիկաններ են հավաքված:  NEWS.am-ի թղթակիցը «Պապլավոկի»  մոտ նկատել է նաեւ ոստիկանության պետ Վովա Գասպարյանին, ով իր մեքենայից իջել է  եւ մի քանի մետր քայլելուց հետո  նորից նստել  մեքենան: Ոստիկանների այս իրարանցմանը զարմանքով են արձագանքել քաղաքացիները:

Թղթակցի հարցին, թե ինչով է պայմանավորված այս տարօրինակ իրարանցումը համազգեստավորներից մեկը  հավաստիացրել է, թե ոստիկանապետի ցուցումով են իրենք փողոց դուրս եկել` քաղաքացիներին օգնության ձեռք մեկնելու նպատակով:  Փաստորեն առատ ձյունն էլ կարող է այն աստիճան վտանգավոր լինել մեր երկրում, որ քաղաքացին Հայաստանի ոստիկանների պաշտպանության կարիքն ունենա: