Իրաքի կառավարությունը եռօրյա ազգային սուգ է հայտարարել Իրանի հոգևոր առաջնորդ այաթոլլա Ալի Խամենեիի սպանության կապակցությամբ։

«Խորը վշտով ու ցավով մեր ցավակցությունն ենք հայտնում հարգարժան իրանցի ժողովրդին և ողջ իսլամական ումմային՝ գիտնական և մուջահիդ, հոգևոր առաջնորդ, Նորին Գերազանցություն այաթոլլա Սայիդ Ալի ալ-Հուսեյնի ալ-Խամենեիի նահատակության կապակցությամբ, որին մենք համարում ենք Մարգարեի ընտանիքի երևելիներից մեկը»,- հայտարարել է կառավարության պաշտոնական ներկայացուցիչ Բասեմ Ալ-Ավիդին, հաղորդում է Իրաքյան լրատվական գործակալությունը (INA)։

Նա նաև նշել է, որ սպանությունը տեղի է ունեցել «բացահայտ ագրեսիայի և դատապարտելի գործողության հետևանքով, որը խախտում է բոլոր մարդկային ու բարոյական նորմերը, ինչպես նաև ակնհայտորեն հակասում է միջազգային օրենքներին ու կոնվենցիաներին»։