Բահրեյնը կիրակի օրը որսացել է Իրանի արձակած հրթիռների և անօդաչուների ալիքը, տեղեկացնում են պետական լրատվամիջոցները։

Բահրեյնի լրատվական գործակալությունը հայտնել է, որ մի քանի շրջաններում «սահմանափակ քանակությամբ» բեկորներ են ընկել։

Շաբաթ օրը Բահրեյնը հայտնել էր, որ հրթիռային հարձակման թիրախում է եղել կղզի-պետությունում տեղակայված ԱՄՆ ռազմածովային ուժերի 5-րդ նավատորմի շտաբ-բնակարանը. մայրաքաղաք Մանամայում երեք շենք է վնասվել։

Քուվեյթը հայտարարել է, որ իր ՀՕՊ համակարգերը կիրակի օրը հետ են մղել «մի շարք թշնամական օդային թիրախներ»։ Պաշտպանության նախարարությունը հայտնել է, որ թիրախները հայտնաբերվել և որսացվել են երկրի հարավում։ Տուժածների կամ ավերածությունների մասին տեղեկություններ չեն տրամադրվել։

Կատարի պաշտպանության նախարարությունը հայտնել է, որ ռազմաօդային ուժերն ու ՀՕՊ համակարգերը կիրակի օրը որսացել են Իրանի արձակած հրթիռներն ու անօդաչուները։ Զոհեր չկան։