Իրանական հրթիռի բեկորն ընկել է Դուբայում գտնվող ռուսաստանցի նավաստիներով նավի վրա, հայտնում է Shot տելեգրամյան ալիքը։

Ըստ հաղորդման, Իրանի հրթիռակոծությունների և ՀՕՊ-ի աշխատանքի պատճառով ռուսաստանյան անձնակազմը մնացել է Ջեբել Ալի նավահանգստում։ Հենց դրա հետևանքով էլ հրթիռի բեկորն ընկել է նավի վրա։

Տուժածներ չկան։

Ըստ նավաստիների, մի քանի ժամ առաջ բեռնման աշխատանքները վերսկսվել էին, սակայն շուտով ստիպված են եղել դադարեցնել դրանք՝ հրթիռակոծությունների վերսկսման պատճառով։ Այժմ նավը մնում է նավահանգստում։