Մոտ 20 մարդ է վիրավորվել, այդ թվում՝ չորսը ծանր կամ ծայրահեղ ծանր վիճակում, Իսրայելի Բեյթ Շեմեշ քաղաքին իրանական բալիստիկ հրթիռի հարվածի հետևանքով, հայտնում է Times of Israel-ը՝ հղում անելով արտակարգ ծառայություններին։

«Մագեն Դավիդ Ադոմ» շտապօգնության ծառայությունը հայտնում է, որ հիվանդանոցներ է տեղափոխվել 17 տուժած, այդ թվում՝ երկուսը ծանր վիճակում, մեկ մարդ ստացել է միջին ծանրության վնասվածքներ, ևս 14-ի վիճակը գնահատվում է բավարար։

Ծանր վիրավորների թվում 10-ամյա աղջիկ կա:

Եվս երկուսը գտնվում են դեպքի վայրում՝ ծայրահեղ ծանր վիճակում: