Իսրայելի ռազմաօդային ուժերը «Առյուծի մռնչյուն» (Operation Roar of the Lion) գործողության առաջին ալիքի ընթացքում «մեկ րոպեի ընթացքում» սպանել են իրանցի 40 բարձրաստիճան հրամանատարների, հայտնում է The Jerusalem Post-ը՝ հղում անելով իսրայելական բանակի (ՑԱՀԱԼ) հայտարարությանը։

ՑԱՀԱԼ-ն այդ հարվածներն անվանել է «կանխարգելիչ հարված՝ ուղղված Իրանի ղեկավարության կողմից բխող սպառնալիքների»։

Իսրայելի պաշտպանության բանակը հայտնել է, որ առաջին ալիքի ընթացքում միաժամանակյա հարվածներ են հասցվել Թեհրանի մի քանի օբյեկտների ուղղությամբ, որտեղ հավաքված էին Իրանի անվտանգության ծառայության բարձրագույն ղեկավարության յոթ անդամներ։

Գործողությունն իրականացվել է Իսրայելի պաշտպանության բանակի հետախուզության ղեկավարությամբ։

Ավելի վաղ Իրանը հայտնել էր ԻՀՊԿ (Իսլամական հեղափոխության պահապանների կորպուս) գլխավոր հրամանատար Մոհամմադ Պակպուրի, Իրանի պաշտպանության խորհրդի քարտուղար Ալի Շամխանիի, գեներալ-մայոր Սեյեդ Աբդոլռահիմ Մուսավիի՝ Իրանի զինված ուժերի գլխավոր շտաբի պետի, և Իրանի պաշտպանության ու զինված ուժերի նյութատեխնիկական ապահովման նախարար Ամիր Նասիրզադեի զոհվելու մասին