նախընտրելի դարձնել
Լիբանանի մայրաքաղաք Բեյրութում ԱՄՆ դեսպանատունը փակվում է մինչև հետագա ծանուցում՝ «տարածաշրջանային լարվածության պատճառով», հաղորդում է NBC News-ը՝ հղում անելով դեսպանատան սոցիալական ցանցերում արված հայտարարությանը։
Հյուպատոսական հանդիպումները չեղարկվել են։ Դեսպանատունը կհայտարարի, թե երբ կվերսկսի բնականոն գործունեությունը։ Ըստ Պետքարտուղարության 2022 թվականի զեկույցի՝ Լիբանանում բնակվում է մոտ 86 հազար ամերիկացի։
Ավելի վաղ ԱՄՆ-ն փակել էր իր դեսպանատունը Քուվեյթում։
Հիշեցնենք, որ ԱՄՆ-ն և Իսրայելը փետրվարի 28-ին ռազմական գործողություն սկսեցին Իրանի դեմ։ Հարվածներն ուղղված էին Իրանի մայրաքաղաք Թեհրանին և երկրի խոշորագույն քաղաքներին։ Հարվածներից անմիջապես հետո Իսլամական հեղափոխության պահապանների կորպուսը հայտարարեց լայնածավալ պատասխան գործողության մասին։ Ըստ տեղեկությունների՝ Իրանը հրթիռներ և անօդաչու թռչող սարքեր է արձակել Իսրայելի և Բահրեյնի, Հորդանանի, Կատարի, Քուվեյթի, ԱՄԷ-ի և Սաուդյան Արաբիայի ամերիկյան ռազմաբազաների վրա։
Իսրայելի և ԱՄՆ-ի հարձակման հետևանքով սպանվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։
Մարտի 2-ին «Հըզբոլլահը» ևս մտավ Իսրայելի դեմ պատերազմի մեջ։ Իսրայելը հայտարարեց շարժման դեմ հարձակման մեկնարկի մասին։
