Իրաքում ԱՄՆ դեսպանատունը չորեքշաբթի օրը երկրում գտնվող բոլոր ամերիկացիներին կոչ է արել հնարավորինս շուտ լքել երկիրը կամ ապաստան գտնել մինչև հեռանալու հնարավորության ստեղծումը։

«Իրաքում գտնվող ԱՄՆ քաղաքացիներին խստորեն խորհուրդ է տրվում հնարավորինս շուտ լքել երկիրը կամ ապաստան գտնել մինչև հեռանալու համար անվտանգ պայմանների ստեղծումը։ Խնդրում ենք պաշարներ կազմել սննդի, ջրի, բժշկական պարագաների և այլ անհրաժեշտ իրերի համար»,- ասված է դեսպանատան կայքում տեղադրված հայտարարության մեջ։

Պետքարտուղարությունն ավելի վաղ հրահանգել էր դեսպանատան ոչ հիմնական անձնակազմին լքել երկիրը՝ անվտանգության սպառնալիքների պատճառով։