նախընտրելի դարձնել
Իսրայելի իշխանությունների պնդումները, թե Իրանը միջմայրցամաքային բալիստիկ հրթիռներով հարվածներ է հասցրել Դիեգո Գարսիա կղզում գտնվող ամերիկա-բրիտանական բազային, չի կարող հաստատել նույնիսկ ՆԱՏՕ-ի գլխավոր քարտուղար Մարկ Ռյուտեն։ Սա «օտար դրոշի ներքո» իրականացվող գործողության մասին հերթական պատմությունն է: Այս մասին հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային:
«Այն փաստը, որ նույնիսկ ՆԱՏՕ-ի գլխավոր քարտուղարը, ով վատահամբավ հայտնի է դաշինքի անդամների վրա ճնշում գործադրելով՝ ԱՄՆ-ին հաճոյանալու և Իրանի դեմ նրանց անօրինական պատերազմին աջակցելու համար, հրաժարվում է հավանություն տալ Իսրայելի վերջին ապատեղեկատվությանը․ աշխարհը վերջնականապես հոգնել է «օտար դրոշի ներքո» գործողությունների մասին այս ծանծաղ և իրենց վարկաբեկած պատմություններից», - գրել է նա X-ում՝ հղում անելով Ռյուտեի խոսքերին այն մասին, որ ՆԱՏՕ-ն չի կարող հաստատել Իսրայելի իշխանությունների հայտարարությունը, թե Իրանը միջմայրցամաքային բալիստիկ հրթիռներով հարվածել է Հնդկական օվկիանոսի Դիեգո Գարսիա կղզուն, որտեղ տեղակայված է ամերիկա-բրիտանական համատեղ ռազմաբազան:
Դաշինքի գլխավոր քարտուղարի խոսքով՝ Իսրայելի պնդումը, թե Իրանը միջմայրցամաքային բալիստիկ հրթիռներ ունի, լրացուցիչ ստուգման կարիք ունի:
