նախընտրելի դարձնել
Իրանի նախագահ Մասուդ Փեզեշքիանը հայտարարել է, որ Իսլամական Հանրապետությունը միշտ աջակցել է բանակցությունների ուղուն և Միացյալ Նահանգների հետ տարաձայնությունների խաղաղ լուծմանը, սակայն դրան խոչընդոտում են Վաշինգտոնի իրականացվող շրջափակումն ու սպառնալիքները:
Ըստ նախագահի՝ Իրանը պատրաստ է երկխոսության, սակայն ԱՄՆ-ի գործողությունները բանակցային գործընթացի համար իրական խոչընդոտներ են ստեղծում:
«Իրանի Իսլամական Հանրապետությունը ողջունել է երկխոսությունն ու համաձայնագիրը և շարունակում է հետևել դրան: Պարտավորությունների խախտումը, շրջափակումը և սպառնալիքները հիմնական խոչընդոտներն են իրական բանակցությունների համար»,- X սոցիալական ցանցում գրել է Փեզեշքիանը:
Ավելի վաղ՝ ապրիլի 11-ին, Իրանի և ԱՄՆ-ի ներկայացուցիչները բանակցություններ էին անցկացրել Իսլամաբադում, սակայն չէին կարողացել համաձայնության գալ երկարաժամկետ կարգավորման շուրջ՝ պահպանվող տարաձայնությունների պատճառով:
Ապրիլի 21-ին ԱՄՆ նախագահը հայտարարել էր Իրանի հետ հրադադարի ռեժիմը երկարաձգելու մտադրության մասին: Ի պատասխան՝ իրանական պետական լրատվամիջոցները հաղորդել էին, որ Թեհրանը Վաշինգտոնի միակողմանի հայտարարությունները պարտադիր չի համարում և գործելու է՝ ելնելով սեփական շահերից:
