նախընտրելի դարձնել
Ադրբեջանի բանակի գլխավոր շտաբի պետ Քերիմ Վելիևը հանդիպում է ունեցել պաշտոնական այցով Ադրբեջանում գտնվող Թուրքիայի բանակի ցամաքային զորքերի հրամանատար Մետին Թոքելի հետ։ Հանդպման մասին հայտնել են տեղական լրատվամիջոցները։
Կողմերը քննարկել են համատեղ թռիչքային-տակտիկական վարժանքների ընթացքը։
Թուրք գեներալը նշել է փոխադարձ այցերի շարունակականության կարևորությունը՝ «ռազմական համագործակցության ընդլայնման տեսանկյունից»։
Կողմերը քննարկել են ռազմական համագործակցության տարբեր ոլորտներ, մտքեր են փոխանակվել փոխադարձ հետաքրքրություն ներկայացնող հարցերի շուրջ։
