Դիետոլոգները խորհուրդ են տալիս ուշադրություն դարձնել հասանելի ու էժան ձկների վրա: Թեեւ ոչ բոլոր ձկներն են օրգանիզմի համար կարեւոր Օմեգա-3 ճարպաթթուներ պարունակում, այնուամենայնիվ հնարավոր է ընտրել այնպիսի տեսակ, որը էժան կլինի, բայց օգտակար:
Մեծ տեսականու պայմաններում Օմեգա-3-ի պարունակության մակարդակով ամենաօգտակարը սաղմոնն է: Սակայն սա վերաբերում է վայրի ձկներին, քանի որ օգտակարությունը նվազում է, եթե այն բուծում են հատուկ ֆերմաներում:
Դրան են նպաստում արհեստական պայմանները, որոնք հաճախ ուղեկցվում են հակասանիտարական միջավայրով ու անասնակերով կերակրելով:
Փորձագետների կարծիքով ավելի էժան ձկներն այս տեսակետից ավելի օգտակար են, քանի որ հաճախ բուծվում են բնական պայմաններում, հաղորդում է «Argumentiru.com»-ը:
