Այս պահին Արագածոտնի մարզպետ Սարգիս Սահակյանին պատկանող Աշտարակ քաղաքում գտնվող կիսակառույց տանը արտակարգ իրավիճակ է. այնտեղ են ժամանել բազմաթիվ ոստիկաններ եւ ԱԻՆ աշխատակիցներ: NEWS.am-ի տեղեկություններով՝ այսօր առավոտյան Արագածոտնի մարզպետ Սարգիս Սահակյանը իրեն պատկանող կիսակառույց տանը գազի բալոններ եւ այլ անհայտ սարքեր է հայտնաբերել եւ ահազանգել իրավապահներին:

Այս պահին բազմաթիվ ոստիկաններ, ԱԻՆ աշխատակիցներ են գտնվում այնտեղ եւ փորձում են պարզել, թե ինչ հանգամանքներում են գազի բալոնները եւ այլ սարքերը բերվել ու դրվել մարզպետի տանը:

NEWS.am-ը փորձեց անձամբ մարզպետից պարզել տեղի ունեցածը, վերջինս հրաժարվեց պատասխանել՝ հորդորելով գրավոր դիմել;