.am տիրույթում 15 հազ. գրանցված դոմենային անուն կա։ Այս մասին NEWS.am- Ինովացիայի թղթակցի հետ զրույցում ասաց «Ինտերնետ հանրություն» հ/կ փոխնախագահ Գրիգոր Սաղյանը։ Նրա խոսքով՝ Հայաստանում կայքերի ստեղծման աճի տեմպը մոտ 25 տոկոս է, սակայն վերջին շրջանում մասսայական արագագործ ինտերնետ ապահովող ընկերությունների շատացմանը զուգահեռ, ավելացել է նաեւ ինտերնետից օգտվողների թիվը։ Արդյունքում՝ ավելացել է նաեւ այն մարդկանց թիվը, ովքեր ցանկանում են սեփական կայքն ունենալ։
«Կայքերի ստեղծման աճի տեմպը նախորդ տարիների համեմատ մի փոքր արագացել է, ինչը կապված է ինտերնետի տարածման հետ»,-ասաց Գ. Սաղյանը։