Աշխարհին Vespa scooter նվիրած իտալական ընկերությունը մշակել է ինքնավար փոխադրամիջոց՝ անձնական ռոբոտ օգնականի տեսքով, որը ձեր իրերն է տանում: Piaggio Fast Forward-ը ծրագրել է Gita-ն 2017-ի փետրվարի 2-ին ներկայացնել Բոսթոնում՝ այն թեստավորելով բիզնես միջավայրում, փոխանցում է dezeen.com-ը:
Gita-ն Piaggio Group-ի կազմի մեջ մտնող եւ ինովացիաների համար պատասխանատու Piaggio Fast Forward թիմի ներկայացրած առաջին արտադրանքն է: Դիզայնը մշակել է ամերիկացի ճարտարապետ եւ դիզայներ Գրեգ Լինը:
Ռոբոտի՝ «Ջի-թա» անունը իտալերեն նշանակում է կարճատեւ ճանապարհորդություն: Էլեկտրական հաղորդակով երկանիվ ռոբոտը կարող է ոչ միայն սահել իր «տիրոջ» հետեւից՝ հետեւելով նրա շարժումների հետագծին, այլեւ ինքնուրույն տուն վերադառնալ:
Ռոբոտի բարձրությունը 66 սմ է, իսկ բեռնատարողությունը՝ 18 կգ: Gita-ն նկարագրվում է որպես «հաղորդակցության անհատականությամբ» եւ ընդունակությամբ օժտված ռոբոտ: Նա կարող է տեղաշարժվել 35 կմ/ժամ արագությամբ ինչպես շենքի ներսում, այնպես էլ բացօթյա տարածքում:
1946 թվականին Vespa Scooter-a-ի թողարկմամբ հանրահայտ դարձած Piaggio Group-ը Եվրոպայի երկանիվ փոխադրամիջոցների խոշորագույն արտադրողն է: Չնայած ընկերության կենտրոնակայանը Իտալիայում է, Piaggio Fast Forward-ը բազավորվել է Մասաչուսեթսի նահանգում՝ Բոսթոնում: