ԱՄՆ-ից գիտնականները փոքրիկ արհեստական ուղեղ են ստեղծել՝ արյունատար անոթների ցանցով:
Օրգանը կարող է օգտագործվել կաթվածների եւ արյան շրջանառության խնդիրներով պայմանավորված այլ պաթոլոգիաների ուսումնասիրության համար: Այս մասին ասված է The Journal of Neuroscience Methods ամսագրում հրապարակված հոդվածում:
Արյունատար անոթների ցանցի կազմավորումն անսպասելի է եղել նույնիսկ նախագծի հեղինակների՝ Բրաունի համալսարանի գիտնականների համար:
«Փորձի երրորդ օրը մենք նկատեցինք, որ ութ հազար նեյրոններից բաղկացած կուլտուրայում սկսեցին զարմանալի կազմավորումներ տեղի ունենալ. բջիջների երկու երրորդը հյուսվածքից ցանց կազմավորեցին, որն անոթների ցանց էր»,- նշել են ամերիկացի բիոինժեներները: