Տաշքենդում իմամը կոչ է արել արգելել տղամարդկանց գինեկոլոգ աշխատել, հաղորդում է AsiaTerra-ն՝ վկայակոչելով ուզբեկալեզու Mehrob.uz կայքը:

«Եվս մեկ խնդիր, որն այսօր քննարկման ենթակա է՝ տղամարդ գինեկոլոգը։ Դրան պետք է վերջ դնել։ Բավական է, այդ ամոթալի երեւույթներից մենք «կշտացանք» դեռեւս տոտալիտարիզմի ժամանակներից։ Այդ ժամանակ մեր շատ ազգային արժեքներ ու հեղինակությունը ոտնահարվեցին։ Դա փոխելը մեր իշխանությունից դուրս էր, այդ պատճառվ էլ տղամարդու՝ գինեկոլոգ լինելու փաստը որպես սովորական երեւույթ էր ընկալվում», - հայտարարել է Տաշքենդի Յունուսաբադի շրջանի իմամ, Տաշքնեդի իսլամական ինտիտուտի դասախոս, «Միրզա Յուսուֆ» մզկիթի իմամն 42-ամյա Ռահմատուլլո Սայֆուդինովը, հաղորդում է  Newsru-ն։

Նա հավելել է, որ կանանց շրջանում նույնիսկ գերակայող է այն կարծիքը, թե «տղամարդկանց ձեռքը թեթեւ է», ինչն ավելի էր նպաստում հենց նրանց մոտ սպասարկվելու ցանկությանը։

Իմամի կարծիքով՝ «այժմ մենք անկախ ենք, ազատ ու պետք է ամոթ լինի, պետք է արգելել նման բաները»։