Ֆլորիդայի հայերն ու հրեաները կհարգեն Հայոց ցեղասպանության ու Հոլոքոսթի զոհերի հիշատակը, կազմակերպելով «Ժխտում» ֆիլմի ցուցադրությունը։

Միջոցառումը կազմակերպել են  B’nai Israe միաբանությունն ու Հայոց ցեղասպանությանը նվիրված միջոցառումների կազմակերպման հարցերով կոմիտեն, հայտնում է Armenian Weekly–ն։

«Հայկական ու հրեական համայնքները ընդհանուր ցավ ունեն։ Մեր կրոնները կարող են տարբերվել, բայց մեր պատմությունները նույնն են։ Պառակտված ու ոչնչացված ընտանիքները էթնիկ զտումների արդյունք են, որոնք խլել են միլիոնավոր մարդկանց կյանքեր, ոչնչացրել մարդկանց ու նրանց կենսակերպը, բայց մենք ոչ միայն ողջ ենք մնացել, այլեւ բարգավաճել, երդվելով հիշել ու երբեք չմոռանալ դա»,- մեկնաբանել է Հայոց ցեղասպանությանը նվիրված միջոցառումների կազմակերպման հարցերով կոմիտեի նախագահ Արսինե Գալուստյանը։

B’nai Israel միաբանության ռաբբի Ռոբերտ Ա․ Սիլվերսն էլ նշել է, որ անհրաժեշտ է ուսումնասիրել պատմության դասերը ու  եզրակացություններ անել։