Թուրքիայի Կենտրոնական ընտրական հանձնաժողովը մերժել է սահմանադրական փոփոխությունների մասին հանրաքվեի արդյունքները չեղյալ ճանաչելու մասին ընդդիմության պահանջը, հայտնում է Hurriyet Daily News-ը։
Պարբերականի տեղեկություններով հանձնաժողովի ընդամենը մեկ անդամ է աջակցել ընդդիմության նախաձեռնությունը, իսկ 10 անդամները դեմ են արտահայտվել։
Թուրքիայում ապրիլի 16-ին կայացած հանրաքվեի ժամանակ հաղթել են սահմանադրական փոփոխությունների կողմնակիցները, ստանալով ձայների 51․3 տոկոսը։ Մասնակցությունը կազմել է 86 տոկոս։
Ընդդիմությունը, որի կազմում են Ժողովրդական հանրապետական կուսակցությունը, Ազգերի ժողովրդավարության կուսակցությունն ու Հայրենիքի կուսակցությունը, ԿԸՀ-ին պաշտոնապես փոխանցել է հարցում՝ հանրաքվեի արդյունքները չեղարկելու մասին։ Իրենց պահանջը կուսակցությունները հիմնավորել են նրանով, որ արդյունքները հաշվելիս՝ վավերական են համարվել նաեւ այն քվեաթերթիկները, որոնց վրա չի եղել անհրաժեշտ կնիքը։