Արեւելյան գործընկերության երկրներում ԵՄ ներդրումների նպատակն է վերջ տալ անկայունությանը։ Այս մասին NEWS.am –ի թղթակցին ասել է Եվրահանձնաժողովի նախագահ Ժան Կլոդ Յունկերը Վաշինգտոնում ԱՄՀ-ի ու Համաշխարհային բանկի ամենամյա գարնանային հանդիպումների ընթացքում։
Արեւելյան գործընկերության երկրներից են Ուկրաինան, Բելառուսը, Մոլդովան, Վրաստանը, Հայաստանն ու Ադրբեջանը։
«Այդ տարածաշրջանում մեր ներդրումների նպատակն է վերջ տալ անկայունությանը»,- ասել է Յունկերը «Ֆինանսավորում աշխարհի համար․ Ինովացիաներ անկայունության դեմ պայքարի համար» նիստի ընթացքում, որը անցել է Համաշխարհային բանկի շտաբ բնակարանում։
Նշենք, որ ԵՄ-ն տարեկան 40-45 մլն եվրո դրամաշնորհային միջոցներ է հատկացնում Հայաստանին։ Վերջին 10 տարիներին աջակցության ծավալը կազմել է մոտ 500 մլն եվրո։
