Վրաստանի վարչապետ Գեորգի Կվիրիկաշվիլիի Թեհրան այցի ժամանակ Պարսից ծոց-Սեւ ծով տարանցիկ միջանցքի հարցը կլինի Իրանի փոխնախագահ Էսհաք Ջահանգիրի բանակցությունների կենտրոնում, հայտնում է Mehr գործակալությունը:
«Բանակցությունների գլխավոր առանցքը կլինեն Հյուսիս-Հարավ եւ Պարսից ծոց-Սեւ ծով տարանցիկ միջանցքները՝ Իրանի, Հայաստանի եւ Վրաստանի կամ Իրանի, Ադրբեջանի եւ Վրաստանի տարածքներով»,- ընդգծել է Ջահանգիրին:
Նրա խոսքով՝ եւս մեկ կարեւոր հարց վերաբերում է էներգետիկ միջանցքի ստեղծմանը՝ Ռուսաստանի, Վրաստանի, Հայաստանի եւ Իրանի միջեւ ձմեռային եւ ամառային ժամանակաշրջաններում էլեկտրաէներգիայի փոխանցման համար: