«Հառաջ» շարժման հիմնադիր Էմանուել Մաքրոնը կրճատում է տարբերությունը «Ազգային ճակատ» կուսակցության առաջնորդ Մարին Լը Պենից Ֆրանսիայի նախագահական ընտրություններում։
Ընտրությունների կազմակերպման համար պատասխանատու ՆԳՆ-ի տվյալներով՝ քվեների մոտ 60 տոկոսի (22,6 մլն քվեաթերթիկ) հաշվարկի արդյունքում Լը Պենը ստանում է 23,54 տոկոս, Մաքրոնը՝ 22,82 տոկոս քվե։
«Հանրապետականներ» կուսակցության թեկնածու Ֆրանսուա Ֆիյոնը երրորդն է՝ 19,69 տոկոսով, «Անկոտրում Ֆրանսիա» շարժման առաջնորդ Ժան-Լյուկ Մելանշոնը՝ չորրորդը՝ 18,47 տոկոսով։
Նախագահական ընտրությունների երկրորդ փուլը կայանալու է մայիսի 7-ին։ Դրան կմասնակցեն առավելագույն ձայներ ստացած երկու թեկնածուները։