Մայիսի վերջին հունիսի սկզբին կապալառուները կարագացնեն «Հյուսիս-հարավ» մայրուղու աշխատանքները։ Այս մասին մայիսի 11-ին Կառավարության նիստից հետո լրագրողների հետ զրույցի ժամանակ հայտարարել է ՀՀ Տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը։ Նրա խոսքով՝ հապաղումների պատճառը վատ եղանակն էր եւ կապալառուների հետ կապված հարցերը, որոնք այդ ընկերությունները պետք է լուծեն։

Հիշեցնենք, որ Երեւանից Արտաշատ (դեպի հարավ) եւ Թալին (դեպի հարավ) ճանապարհահատվածների կառուցումն իրականացնում է «Corsan Corviam»,  իսկ Թալինից Գյումրի՝ «Sinohydro Corporation» չինական ընկերությունը։