«Իսլամական պետություն» ահաբեկչական կազմակերպությունը ստանձնել է Եգիպտոսում ղպտի քրիստոնյաների վրա հարձակման պատասխանատվությունը, հայտնում է «Ալ Ջազիրան»՝ վկայակոչելով ահաբեկիչների հայտարարությունը:
Երեք մեքենաներով անհայտ անձինք ուրբաթ առավոտյան Էլ Մինյա նահանգում՝ Էլ Ադավա բնակավայրից արեւմուտք գտնվող Սուրբ Սամուիլի եկեղեցու մոտակայքում ավտոմատներից կրակել են ղպտի քրիստոնյաների ավտոբուսի վրա: Քրիստոնյաները եկեղեցի էին գնում Բենի Սուեյֆայից:
Ավտոբուսում մոտ 40 երեխա է եղել: Պաշտոնական վերջին տեղեկությունների համաձայն՝ 28 մարդ զոհվել է, 20-ից ավելի մարդ վնասվածքներ ստացել: Ղպտի եկեղեցու ներկայացուցիչներն ավելի վաղ հայտնել էին 35 զոհվածի մասին, որոնց մեծ մասը երեխաներ են: