ԱՄՆ դաշնային միգրացիոն ոստիկանության աշխատակիցները Լոս Անջելեսում 188 անձի են ձերբակալել, այդ թվում՝ Հայաստանի քաղաքացիների:
Ոստիկանության հայտարարության համաձայն՝ հնգօրյա գործողության ընթացքում ձերբակվել են երկրում ապօրինաբար բնակվող հանցագործներ:
Ըստ Los Angeles Times-ի՝ ձերբակալվածների մեծ մասը Մեքսիկայից են, մյուսները՝ Սալվադորի, Հայաստանի, Հոնդուրասի, Թաիլանդի, Վիետնամի, Կամբոջայի, Ռուսաստանի, Ֆիլիպինների քաղաքացիներ: Ի դեպ՝ բոլորն էլ նախկինում դատապարտված են եղել:
Չնայած Թրամփի՝ նախագահ ընտրվելուց հետո միգրանտների շրջանում ձերբակալությունները 35%-ով ավելացել են, Հարավային Քալիֆորնիայում ձերբակալվածների թիվը համեմատաբար մեծ չէ:
