«Լրագրողների ազատության եւ անվտանգության ինստիտուտ» միջազգային լրագրողական կազմակերպությունը դատապարտել է Ադրբեջանի իշխանություններին՝ երկրում խոսքի ազատության դեմ հարձակումերի նոր ալիքի համար։
Contact.az-ը հաղորդում է, որ ինստիտուտը հանդես է եկել հայտարարությամբ։ Դրանում նշվում է համացանցային անկախ հեռուստաալիքների ղեկավարների ձերբակալության, վարչական կարգով ձերբակալված լրագրող Նիջաթ Ամիրասլանովին դաժան կտտանքների ենթարկելու, Վրաստանից լրագրող Աֆղան Մուխթարլըին առեւանգելու մասին։ Կազմակերպությունն առաջարկում է պատժամիջոցներ սահմանել Ադրբեջանի նկատմամբ։