Լատինական Ամերիկայի երկրներում աննախադեպ ցրտեր են։ Ջերմաստիճանը ցերեկը նվազել է շուրջ 20 աստիճանով։ Այս մասին հաղորդում է Gazeta-ն՝ վկայակոչելով Misiones-ը։
Շաբաթը սկսվել է մայրացամաքի շատ քաղաքներում ձյան առատ տեղումներով։ Ցուրտ ցիկլոնը հարավից հյուսիս է շարժվում եւ արդեն հասել է Հարավային Բրազիլիայի, Պարագվայի, Պերուի եւ Ուրուգվայի որոշ շրջաններ։
Նշվում է նաեւ, որ ցրտերի պատճառով Արգենտինայի տարբեր շրջաններում առնվազն 4 մարդ է մահացել։
Ուրուգվայում օդի ջերմաստիճանը հասել է -10-ի, առաջիկա օրերին ձյան առատ տեղումներ են սպասվում։