«Իսլամական պետություն» խմբավորման գերմանուհի «հարսնացուին» մահապատիժ է սպառնում։ 16-ամյա Լինդա Բ․-ի ճակատագիրը, որն անցած ամռանն էր փախել Գերմանիայից ԻՊ-ին միանալու համար, հիմա իրաքյան դատարանի ձեռքերում է, փոխանցում է AP-ն։
Իրաքի վարչապետ Հայդել ալ Աբադիի խոսքով՝ հիմա աղջիկը գտնվում է Բաղդադի բանտերից մեկում ու արդարադատությունը պետք է վճռի՝ արդյոք նրան մահապատժի կենթարկեն։ «Դեռահասները պատասխանատու են օրենքի առաջ, հատկապես եթե նրանք կատարել են այնպիսի հանցագործություններ, ինչպիսիք են անմեղ մարդկանց սպանությունները»,- ասել է նա։
Աղջկան գտել էին Մոսուլի տներից մեկի նկուղներում՝ քաղաքը ԻՊ զինյալներից ազատագրելուց հետո։ Ենթադրաբար Լինդան աշխատում էր ԻՊ-ի այսպես կոչված ոստիկանական ուժերի համար։
