News
Լրահոս
News
Երկուշաբթի
Սեպտեմբեր 24
Տեսնել լրահոսը

Սա շատ ծիծաղելի պատմություն է։ Ո՛չ դու, ո՛չ ես, մեզնից ոչ ոք չի հիշում Վիտալինային, որը դաշնամուր էր նվագում, բայց մենք հիշում ենք այն Վիտալինային, որը խաբեց Ջիգարխանյանին եւ հեռացավ։ Այս պատմության մեջ ամենահետաքրքիրն այն է, թե երբ այդ մարդը, որի անունը Մասյա էր, վերածվեց Տուսյայի։ Դա ամենահետաքրքիր գործընթացն է։ Այս մասին ռուսական Առաջին ալիքի եթերում «Թող խոսեն» հաղորդման ժամանակ ասել է ԽՍՀՄ ժողովրդական արտիստ Արմեն Ջիգարխանյանը՝ մեկնաբանելով իր ընտանեկան սկանդալը։

Ջիգարխանյանի խոսքով՝ ինքը մտադիր չէ հիշել իր կնոջը՝ Վիտալինա Ցիմբալյուկ–Ռոմանովսկայային, եւ մյուսներն էլ նրան շուտով կմոռանան։ «Այդ պատճառով, եթե պետք է խոսենք անկեղծ, ես Վիտալիանից դավաճանություն եմ ստացել։ Ես ցանկություն չունեմ հանդիպել նրա հետ, այնտեղ դավաճանության հոտ է գալիս։ Դավաճանությունը ես չեմ ընդունում, ինչու՞ դու դա արեցիր, եթե հիանալի տեսնում էիր, որ կարելի է եւ առանց դրա։ Այն մարդը, ով այս ամենը հորինել է, տաղանդավոր է։ Ես պետք է ցրվեմ, չվախենամ խոսել ցավի մասին։ Անկեղծ եմ ասում, որ ես վիրավորված չեմ, որ սուր հարվածներով պատասխանեմ, ոչ։ Կարեւոր է չկորցնել մարդկային դիմագիծը։ Աստված չանի, որ ես վերածվեմ Ջիգո վրիժառուի։ Ես չարություն չեմ զգում, ամենայն պատասխանատվությամբ եմ ասում։ Ես զգայուն մարդ եմ։ Ես սիրահարվում եմ, ես ուզում եմ, շարժվում եմ, բայց եբ քթիս են հարվածում, ես պատասխանում եմ»,– ասել է Ջիգարխանյանը։

Միաժամանակ արտիստը նշել է, որ իր մեջ դեռ վիրավորանք է մնացել։ «Եթե քեզ խաբում են ու գրպանիցդ 5 ռուբլի են տանում, դարձյալ վիրավորական է։ Իսկ հետո, ես մխիթարվում եմ եւ մտածում եմ՝ լավ դե, բան չկա։ Որովհետեւ ես ուզում եմ անպայման այս պատմությունից խելացի դուրս գալ։ Ես գործող անձանց շատ լավ եմ ճանաչում, կարող եմ ասել, որ նրանք վատ արտիստներ են։ Ես բազմիցս կյանքում տեսել եմ կնոջ կերպար եւ տղամարդկանց կառավարում, դրանք չարասիրտ պատմություններ են»։

Ի պատասխան հարցին, թե արդյոք ճիշտ են ասում, որ կինջ չպետք է կառավարի տղամարդուն, Ջիգարխանյանը պատասխանել է. «Ոչ, ոչ, անձամբ ես այս հարցին պատասխան չունեմ»։

Ջիգարխանյանը վստահություն է հայտնել, որ մոտ ժամանակներս Վիտալինան իրեն այլ տղամարդ կգտնի։ «Ես գիտեմ դա, գիտեմ։ Ես շատ տարիներ եմ ապրել, շատ բան տեսել իմ կյանքում։ Ինձ էլ են լքել, ես էլ եմ լքել։ Ես շատ լավ կյանք եմ ապրել… հատկապես կանացի կազմը… Եվ դա այն պատճառով, որ ես շատ լավ եմ Մոլիեր խաղում»։

82-ամյա դերասանի եւ նրա 38-ամյա կնոջ միջեւ հրապարակային սկանդալը սկսվել է այն բանց հետո, երբ հոկտեմբերի 10-ին Ջիգարխանյանը հիվանդանոցում էր հայտնվել եւ շուտով ասել, որ պատրաստ չէ ներելու կնոջը, որը, նրա խոսքով, իրեն մեծ ցավ է պատճառել:

Ցիմբալյուկ Ռոմանովսկայան իր հերթին սեփական ցանկությամբ ազատվել է Ջիգարխանյանի ղեկավարած թատրոնի տնօրենի պաշտոնից եւ հայտնել է ապահարզան տալու մտադրության մասին:

Անցյալ շաբաթ դերասանը պաշտոնական նամակ էր ուղարկել Մոսկվայի մշակույթի դեպարտամենտ՝ խնդրելով իրեն եւ իր թատրոնի դերասաններին պաշտպանել «խաբեբաներից», որոնք խանգարում են կոլեկտիվի նորմալ աշխատանքին:

Ցիմբալյուկ Ռոմանովսկայայի ներկայացուցիչը միաժամանակ հայտնել էր, որ նա մոր հետ Ռուսաստանից հեռացել է, բայց խոստացել է վերադառնալ, երբ իրավիճակը հանդարտվի: Նրա մայրը նշել է, որ դուստրը հեռացել է՝ հետեւանքներից զգուշանալով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Քենիայում մեկ շաբաթով հանել են լեսբուհիների մասին ֆիլմի ցուցադրման արգելքը, որ հնարավոր լինի այն «Օսկար»-ի ներկայացնել
«Ընկերուհի»-ն առաջին քենիական ֆիլմն է, որ ներկայացվել է Կանի կինոփառատոնին․․․
«Արեւ, սարեր եւ սեր». Միքայել Պողոսյանի նոր ֆիլմը նախարարությունը մերժել է ֆինանսավորել
5 կին, որոնցից մի քանիսը կինոոլորտի հետ որեւէ առնչություն չունի, որոշեցին, թե նախարարությունը որ ֆիլմերը պետք է ֆինանսավորի...
Սթիվեն Քինգն անվանել է պատմության մեջ լավագույն ֆիլմը
Նրա կարծիքով՝ դա Ֆրենսիս Ֆորդ Կոպոլայի «Կնքահայրը 2» ֆիլմն է…
Նոր Հայաստանում ֆիլմերի ֆինանսավորման առաջին մրցույթը իր նշաձողի անկման աստիճանով աննախադեպ է. հայտարարություն
Ֆիլմ Արտադրողների Համահայկական Ֆեդերացիան հրապարակել է Հայտարարություն որում անվստահություն է հայտնում մշակույթի նախարար Լիլիթ Մակունցի հրամանով ձեւավորված...
Կոլորադոյի «Թեյլլուրիդ» կինոփառատոնում կցուցադրվի Փարաջանովի «Հակոբ Հովնաթանյան» ֆիլմի վերականգնված տարբերակը
Հայաստանի ազգային կինոկենտրոնի տնօրեն Շուշանիկ Միրզախանյանը դեռեւս հունիսին ֆիլմի ժապավենը տեղափոխել է Վարշավա, որտեղ եւ Fixafilm ընկերությունում անմիջապես սկսվել են ֆիլմի վերականգնման աշխատանքները…
Պակիստանյան Փենջաբ նահանգի իշխանությունները որոշել են արգելել «գռեհիկ» կինոազդերը
Պաշտոնում նշանակվելուց ի վեր նախարարն արդեն բազմիցս հասցրել է քննադատության...
Ամենաշատ
Partner news