Արտաշատի թիվ 5 հիմնական դպրոցի տնօրեն Ռուզան Հայրապետյանը մեղադրվում է պետությանը պատկանող զգալի չափերով գույքի վատնում կատարելու մեջ:
Ըստ մեղադրանքի՝ 16 տարի տնօրեն աշխատած Ռուզան Հայրապետյանը մի խումբ աշխատակիցների՝ աշխատանքի չներկայանալու պայմաններում ստորագրել եւ կնիքել է դպրոցի աշխատակիցների կողմից աշխատանքի ներկայանալու վերաբերյալ տաբելները, որում նշվել է, որ նրանք ներկայացել են աշխատանքի, իսկ տեղեկանքների հիման վրա պետության կողմից դպրոցից հատկացված բյուջեից վերջիններիս աշխատավարձ է տրվել: Բացի դրանից, տնօրենն իր հարսի՝ ՀՀ-ից բացակայելու պայմաններում վերջինիս հետ 2014թ. սեպտեմբերի 1-ին կնքել է պաշտոնական փաստաթուղթ հանդիսացող աշխատանքային պայմանագրի ակնհայտ կեղծ հավելված, կատարելով պաշտոնեական կեղծիք:
Ռուզան Հայրապետյանը ստորագրությամբ ազատ է արձակվել: Գործը քննվելու է Արարատի եւ Վայոց ձորի մարզերի ընդհանուր իրավասության դատարանում: