Բրիտանացի գիտնական Թիմոտի Բերներս Լին, ով համարվում է Համացանցի հիմնադիրներից մեկը, խոշոր ցանցային կորպորացիաներին մեղադրել է շուկայում իրենց գերիշխող դիրքի չարաշահման մեջ, հաղորդում է ՌԳ-ն:
Իր բաց նամակում նա ասել է, որ Google-ի, Facebook-ի եւ Twitter- ի նման ընկերությունները «վերահսկում են, թե ինչ գաղափարներ ու կարծիքներ են մարդիկ տեսնելու եւ կիսվելու միմյանց հետ»: «Կայքերի եւ բլոգերի երբեմնի հարուստ ընտրությունը մթագնվել է մի քանի գերիշխող հարթակների պատճառով», - ընդգծել է նա:
Բերներս Լին նաեւ կոչ է արել քաղաքական գործիչներին եւ գործարարներին հանրային Wi-Fi ցանցեր բացելու միջոցով համացանցն ավելի մատչելի դարձնել:
Բացի այդ Financial Times-ին տված հարցազրույցում «համացանցի հիմնադիրը» նշել է, որ անհրաժեշտ կարգավորիչ եւ իրավական դաշտի միջոցով հնարավոր է սահմանափակել խոշոր տեխնոլոգիական ընկերությունների հզորությունը: Օրինակ, սոցիալական ցանցերին ստիպել, որ օգտվողներին ավելի շատ վերահսկողություն տան իրենց տվյալների նկատմամբ:
