Միչիգան նահանգի համալսարանը 500 միլիոն դոլար փոխհատուցում կվճարի մարմնամարզության ամերիկյան հավաքականի նախկին բժիշկ Լարրի Նասսարի սեռական ոտնձգություններից տուժած 332 անձանց, հայտնում է AP-ն։
Համաձայն պայմանավորվածության՝ 425 մլն դոլար կվճարվի բոլոր զոհերին, եւս 75 մլն դոլարն էլ կպահվի ապագայում հնարավոր վճարումների համար։ Որքան գումար կստանա ամեն տուժած, չի հստակեցվում։
Համալսարանի ղեկավարությանը նախկինում կասկածում էին Լարրի Նասսարին թաքցնելու մեջ։ Սրա պատճառով պաշտոնաթող է եղել ուսումնական հաստատության նախագահ Լու Աննա Սայմոնը, որի հրաժարականի օգտին են արտահայտվել նահանգի ներկայացուցիչների պալատի մեծամասնությունը, որի ենթակայության տակ է գտնվում համալսարանը։
Հիշեցնենք, որ Նասսարը իրեն մեղավոր է ճանաչել մարմնամարզության ամերիկյան հավաքականի մարզուհիների 7 դրվագով բռնաբարության մեջ։ Միչիգանի շրջանային դատարանը հունվարին դատապարտել էր նրան 40-175 տարվա ազատազրկման։ Մեկ այլ բժշկի էլ 60 տարվա ազատազրկման վճիռ է կայացվել մանկական պոռնոգրաֆիան պահպանելու համար։ Փետրվարին նա եւս ստացել է 125 տարվա ազատազրկում։